សម្រស់ស្ទឹងតាតៃ និងទឹកជ្រោះតាតៃខេត្តកោះកុង ព្រះរាជាណាចក្រកម្ពុជា
ស្ទឹងតាតៃជាតំបន់ទេសចរណ៍មួយដែលស្ថិតនៅភាគខាងត្បូងឈាងខាងលិចនៃ ប្រទេសកម្ពុជា ហើយនៅតំបន់ស្ទឹងតាតៃនោះមាន ទឹកជ្រោះដ៍ស្រស់ស្អាតមួយហៅថាទឹកជ្រោះតាតៃ។
ទេសភាពដ៏ស្រស់ស្អាតនៃទឹកជ្រោះតាតៃបានទាក់ទាញភ្ញៀវទេសចរមកពីជុំវិញ
ពិភពលោក បានយ៉ាងច្រើន។ ការអភិរក្សធម្មជាតិ និងសត្វព្រៃនៃទឹកជ្រោះតាតៃ
ខេត្តកោះកុងធ្វើឲ្យវាក្លាយទីជាកន្លែង ដ៏ទាក់ទាញដែលភ្ញៀវទេសចរទៅទស្សនា
ញឹកញាប់បំផុតមួយក្នុងខេត្តកោះកុង។
ភ្ញៀវទេសចរទាំងនោះចូលចិត្តមកទស្សនាទេសភាពទឹកធ្លាក់
និងព្រៃឈើខៀវស្រងាត់នៃតំបន់ជុំវិញនោះ។
អ្នកប្រហែលជានឹងឃើញសត្វព្រៃ
និងរុក្ខជាតិមួយចំនួននៅពេលអ្នកបើកបរទៅកាន់ទឹកជ្រោះតាតៃ ខេត្តកោះកុង។
ធម្មជាតិបៃតងអមសងខាងផ្លូវទៅកាន់ទឹកជ្រោះតាតៃកាន់តែធ្វើអោយ
ការធ្វើដំណើរកម្សាន្តរបស់អស់លោក លោកស្រី
និងភ្ញៀវទេសចរណ៍ទាំងអស់កាន់តែមានភាពរីករាយឡើង។ ទឹកជ្រោះតាតែស្ថិតនៅចម្ងាយប្រហែល
៥០គីឡូម៉ែត្រពីទីរួមខេត្ត ហើយការធ្វើដំណើរនេះត្រូវចំណាយពេលប្រហែល
៤៥នាទីពីទីរួមខេត្ត ដោយមានទីតាំនៅក្នុងឃុំត្រពាំងរូង នៃស្រុកកោះកុង។ រុក្ខជាតិ
និងសត្វព្រៃនៃតំបន់ជិតៗ នោះធ្វើអោយទឹកជ្រោះនេះក្លាយជាកន្លែងដែលគេ
ចូលចិត្តទស្សនា។
សូមទស្សនាវីដេអូខាងក្រោម៖
0 comments