បន្ទាប់ពីបានបញ្ចេញនូវកំណែទម្រង់ប្រព័ន្ធប្រតិបត្តិការណ៍ iOS 7.1 Update កាលពីពេលកន្លងទៅថ្មីៗនេះ ឃើញថានៅមានបញ្ហាយាយីមួយចំនួនដែលរំខានក៏ដូចជាការប្រើប្រាស់មិនពេញលេញដល់ Users ទើបនៅថ្ងៃនេះ ក្រុមហ៊ុន Apple បានបញ្ចេញនូវ iOS 7.1.1 ជាមួយលក្ខណៈពិសេស
អាចជួសជុលនូវបញ្ហាមួយចំនួនបានដូចជា Bug fixes,
Security Update និង Improvements ជាពិសេសនោះគឺផ្តោតសំខាន់ទៅលើបញ្ហា
Touch ID តែម្តង ដែលធ្វើឲ្យមានជំនឿទុកចិត្តខ្ពស់ជាង iOS 7.1 Update។មិនគ្រាន់តែធ្វើឲ្យប្រសើរឡើងនូវ
Touch ID នោះទេ វាថែមទាំងសម្របសម្រួលនូវបញ្ហា Keyboard ទាំងប្រភេទ Bluetooth Keyboards ជាមួយ VoiceOver enabled។លោកអ្នកអាចទទួលយកនូវការ Update Version ថ្មីនេះ តាមរយៈការចូលទៅកាន់ iOS Setting>
General > Software Update។នៅទីនោះ អ្នកជ្រើសយក Download and
Install Button ហើយគោរពតាមលក្ខខណ្ឌតាមវាទៅ
ហើយសូមប្រាកដថា Devices របស់អ្នកត្រូវ Connect ទៅកាន់ WiFi Network ដើម្បីទាញយកនូវការ Update៕
រូបភាព៖
*ពិធីចុះហត្ថលេខា លើកិច្ចព្រមព្រៀង សហប្រតិបត្តិការ សេដ្ឋកិច្ច-ពាណិជ្ជកម្ម រវាងសាធារណៈរដ្ឋ ប៊ែលឡារុស និងព្រះរាជាណាចក្រកម្ពុជា*
|
នៅថ្ងៃទី២៣ ខែមេសា ឆ្នាំ២០១៤ ឯកឧត្តម ស៊ុន ចាន់ថុល ទេសរដ្ឋមន្ត្រី
រដ្ឋមន្ត្រីក្រសួងពាណិជ្ជកម្ម និង ជាអនុប្រធាន ក្រុមប្រឹក្សាអភិវឌ្ឍន៍កម្ពុជា
បានចុះហត្ថលេខា លើកិច្ចព្រមព្រៀង សហប្រតិបត្តិការ សេដ្ឋកិច្ច-ពាណិជ្ជកម្ម
រវាងសាធារណៈរដ្ឋ ប៊ែលឡារុស និងព្រះរាជាណាចក្រកម្ពុជា ដើម្បីជំរុញ
និងពង្រីកបន្ថែម សកម្មភាពសេដ្ឋកិច្ច ពាណិជ្ជកម្ម
រវាងប្រទេសទាំងពីរ។បន្ថែមពីលើនេះ ឯកឧត្តមទេសរដ្ឋមន្ត្រី ក៏បានចុះហត្ថលេខា
លើកិច្ចព្រមព្រៀង ការពារវិនិយោគទ្វេភាគី រវាងប្រទេសទាំងពីរ ដើម្បីជំរុញ
លើកទឹកចិត្ត និង ការពារការវិនិយោគ នៃប្រទេសទាំងពីរ។
ក្រសួងថាមពលប្រេងរបស់អ៊ីរ៉ាក់បានឲ្យដឹងកាលពីថ្ងៃព្រហស្បតិ៍ម្សិលមិញនេះថា ការនាំចេញប្រេងរបស់ប្រទេសអ៊ីរ៉ាក់បានថយចុះនៅក្នុងខែ មីនា ដែលមានចំនួនត្រឹមតែ ២,៣៩លានធុងក្នុងមួយថ្ងៃ ហើយការធ្លាក់ចុះ ដោយសារតែមានបញ្ហាលើបំពង់បង្ហូរប្រេងសំខាន់ៗ
មួយចំនួននៅភាគខាងជើង នេះប្រទេសអ៊ីរ៉ាក់។
ក្រសួងថាមពលប្រេងរបស់ប្រទេសអ៊ីរ៉ាក់បានឲ្យដឹងថាទៀតថា
អ៊ីរ៉ាក់បាននាំចេញប្រេងសរុបចំនួន ៧៤,៣លានធុងក្នុងរយៈពេល ៣១ថ្ងៃ
នៃខែ មីនាដែលបានទទួលបានប្រាក់ចំណូលចំនួន ៧,៥ពាន់លានដុល្លារអាមេរិក។
ប្រទេសអ៊ីរ៉ាក់បាននាំចេញប្រេងចំនួន ៧៣,៥លានធុងនៅច្រកភាគខាងត្បូងនៃទីក្រុង
Basra និង ៨០០,០០០ធុង តាមរយៈពេលកំពង់ផែ Ceyhan នៃប្រទេសទួរគីនៅលើសមុទ្រមេឌីទែរ៉ាណេ។
បញ្ហដែលកើនឡើងម្តងហើយម្តងទៀតនៅលើបំពង់នាំចេញប្រេង បានធ្វើឲ្យការនាំចេញប្រេងរបស់ប្រទេសអ៊ីរ៉ាក់បានធ្លាក់ចុះកាលពីខែ
មីនា យ៉ាងខ្លាំង។
សេដ្ឋកិច្ចរបស់ប្រទេសអ៊ីរ៉ាក់ពឹងផ្អែកលើប្រាក់ចំណូលប្រេងជិត ៩៥%
នៃប្រាក់ចំណូលសរុបរបស់ខ្លួន។
នៅឆ្នាំ ២០១០ ប្រទេសអ៊ីរ៉ាក់បានប្រកាសថា ប្រេងបម្រុងទុករបស់ខ្លួនបានកើនឡើងដល់
១៤៣,១ពាន់លានធុង ពោលគឺបានកើនឡើងជាងការរំពឹងទុកកាលពីពេលមុននេះ
ដែលបាននិយាយថាប្រេងបម្រុងទុករបស់ប្រទេសអ៊ីរ៉ាក់មានត្រឹមតែ
១១៥ពាន់លានធុងទេសម្រាប់ផ្គត់ផ្គង់។
យោងតាមប្រភពព័ត៌មានដែលចុះផ្សាយនាពេលនេះបានបញ្ជាក់ឲ្យដឹងថា ប្រព័ន្ធប្រតិបត្តិការណ៍ចុងក្រោយ Apple iOS 7.1 SKD ដែលបានដាក់ឲ្យដំណើរការដោយ Apple នឹងនាំយកនូវកម្មវិធី Siri ទៅបំពាក់លើទូរទស្សន៍ Apple TV ជំនាន់ក្រោយ។លោក Pierre
Blazques ជាអ្នកដំបូងដែលមានគំនិតរកឃើញចង់ដាក់កម្មវិធី
Siri លើ Apple TV ដោយបន្ថែមកូដនៅលើប្រព័ន្ធប្រតិបត្តិការណ៍ iOS
7.1 និង iOS
7.1.1
សម្រាប់ដំណើរការនៅលើទូរទស្សន៍ជំនាន់ក្រោយ ដោយធ្វើការបញ្ជានូវ Contents
ផ្សេងៗតាមរយៈសម្លេងរបស់យើងពី
Apple TV ភ្ជាប់ទៅកាន់ HDTV។បើទោះបីជាយ៉ាងណាក៏ដោយ វាដូចជាមិនទំនងដែលក្រុមហ៊ុន Apple
នឹងបំពាក់កម្មវិធី Siri
ទៅលើ Apple
TV ជំនាន់ចុងក្រោយ
ព្រោះសព្វថ្ងៃនេះ ពួកគេមិនមាន Microphone Inputs នោះទេ។ប៉ុន្តែមិនថ្វីទេApple
ត្រូវបានគេរាយការណ៍មកថា
នឹងដំណើរការបង្កើត Apple TV ជំនាន់ក្រោយ ដែលទំនងជាចេញលក់នៅរដូវក្តៅឆ្នាំនេះ
នេះបើយោងតាមការចុះផ្សាយដោយគេហទំព័រព័ត៌មាន 9to5Mac។គួរបញ្ជាក់ថា តាំងពីចេញលក់ Apple
TV រហូតមកដល់សព្វថ្ងៃនេះ
ក្រុមហ៊ុន Apple បានវាយលុកបានបរិមាណចំនួន ២០ លានគ្រឿងហើយ៕
ក្រុមហ៊ុនយក្សផលិតយន្តហោះ Boeing របស់សហរដ្ឋអាមេរិក បានប្រកាសកាលពីថ្ងៃពុធម្សិលមិញនេះថា ប្រាក់ចំណេញសុទ្ធរបស់ខ្លួននៅក្នុងត្រីមាសទី១ នៃឆ្នាំ ២០១៤ នេះបានកើនឡើង ១៤% ហើយក្រុមហ៊ុននេះបានព្យាករណ៍ទៀតថានៅក្នុងឆ្នាំ ២០១៤
នេះប្រាក់ចំណេញសុទ្ធរបស់ខ្លួននឹងកើនឡើងខ្ពស់នៅក្នុងអត្រាប្រចាំឆ្នាំ។
ការរកប្រាក់ចំណូលស្នូលដែល មិនរាប់បញ្ចូលការចំណាយលើ
ប្រាក់សោធននិវត្តន៍មួយចំនួន បានកើនដល់ ១,៧៦ដុល្លារក្នុងមួយហ៊ុន។
ប្រាក់ចំណូលរបស់ក្រុមហ៊ុន Boeing នៅក្នុងត្រីមាសទីមួយនេះបានកើនឡើង ៨% ស្មើនឹង ២០,៥ពាន់លានដុល្លារអាមេរិក។
ក្រុមហ៊ុននេះបានរំពឹងទុកថា ភាគហ៊ុនរបស់ក្រុមហ៊ុននេះ
នឹងកើនឡើងចន្លោះពី ៧ដុល្លារ ទៅ ៧,២០ដុល្លារអាមេរិកនៅពេលខាងមុននេះ។ នាយកប្រតិបត្តិរបស់ក្រុមហ៊ុន Boeing បានមានប្រសាសន៍ថា
ប្រាក់ចំណេញរបស់យើងដែលទទួលបាននេះដោយដោយសារតែទំនុកចិត្ត
និងតម្រូវការប្រើប្រាស់របស់អតិថិជន ទស្សនវិស័យរបស់យើង យើងនឹងផលិតយន្តហោះ
អោយស៊ីសាំងតិច ដើម្បីកាត់បន្ថយការប្រើប្រាស់ឥន្ធនៈរបស់ពិភពលោក
និងការចំណាយរបស់អតិថិជនលើការប្រើប្រាស់ប្រេងយន្តហោះ។ ការចែកចាយយន្តហោះរបស់ក្រុមហ៊ុន
Boeing នៅក្នុងវិស័យពាណិជ្ជកម្មអាកាសចរណ៍ នៅក្នុងត្រីមាសទីមួយនៃឆ្នាំ ២០១៤
នេះបានកើនឡើង ១៩% នេះបើយោងទៅសេចក្តីថ្លែងការណ៍មួយរបស់ Boeing។
ប្រភពសារព័ត៌មានដែលបានចុះផ្សាយក្នុងពេលថ្មីៗនេះបានបញ្ជាក់ឲ្យដឹងថា នៅត្រីមាសទី១ ឆ្នាំ ២០១៤ នេះ ក្រុមហ៊ុនបណ្តាញសង្គម Facebook ទទួលបានលទ្ធផលហិរញ្ញវត្ថុដ៏ច្រើនគួរឲ្យភ្ញាក់ផ្អើលនិងកោតក្រែង ដែលប្រាក់ចំណូលនោះ កើនឡើងដល់ទៅ 2.5 ពាន់លានដុល្លារ
បើធៀបទៅនឹងត្រីមាសដូចគ្នាកាលពីឆ្នាំមុន មានត្រឹមតែ 1.4 ពាន់លានដុល្លារ
គិតជាភាគរយគឺកើនឡើងបាន ៧២ភាគរយឯណោះ។តួរលេខដ៏អស្ចារ្យដទៃទៀតគឺ
ប្រាក់ចំណូលបានមកពីការផ្សព្វផ្សាយដែលកើនឡើងបានដល់ទៅ 2.27 ពាន់លានដុល្លារ
ស្មើនឹង ៨២ ភាគរយធៀបទៅនឹងលទ្ធផលត្រីមាសដូចគ្នាកាលពីឆ្នាំមុន។លោក Mark
Zuckerberg ដែលជាស្ថាបនិកនិងជានាយកប្រតិបត្តិក្រុមហ៊ុនបណ្តាញសង្គម
Facebook បានមានប្រសាសន៍ថា ពាណិជ្ជកម្ម Facebook មានកំណើនឡើងខ្លាំងនៅត្រីមាសដំបូង
ដែលជាកិច្ចចាប់ផ្តើមបើកមុខដ៏ល្អសម្រាប់ឆ្នាំនេះ ហើយនៅថ្ងៃអនាគត
យើងនឹងបន្តយកកិច្ចខិតខំប្រឹងប្រែងទៅលើផលិតផលសំខាន់ៗនិងដំណើរការពាណិជ្ជកម្មឲ្យមានលក្ខណៈកាន់តែប្រសើរក្នុងបេសកកម្មរបស់ខ្លួន។ជាមួយគ្នានេះដែរ
ក្រុមហ៊ុនក៏បានបញ្ជាក់ថា ចំនួននៃអ្នកលេងបណ្តាញសង្គម Facebook
ប្រចាំខែមានកំណើនឡើងដល់ទៅ
1.28 ពាន់លាននាក់ កើនឡើងបាន ១៥ ភាគរយ រវាងពីមួយឆ្នាំទៅមួយឆ្នាំ ដែលក្នុងនោះមានអ្នកលេងលើ Mobile ចំនួន
១ពាន់លាននាក់។ជាទីបញ្ចប់ ក្រុមហ៊ុន Facebook ក៏សូមប្រកាសផងដែរថា
ប្រធានមន្ត្រីហិរញ្ញវត្ថុឈ្មោះថា David Ebersman សម្រេចចិត្តលាលែងពីដំណែងដោយជំនួស
ដោយលោក Zynga វិញម្តង៕
សមាគមនៃរោងចក្រផលិតរថយន្ត និង ពាណិជ្ជករ (SMMT) បានឲ្យដឹងកាលពីថ្ងៃព្រហស្បតិ៍ម្សិលមិញនេះថា ការផលិតរថយន្តនៅប្រទេសអង់គ្លេសបានកើនឡើង ១២% នៅក្នុងខែមីនា ដែលធ្វើឲ្យការផ្គត់ផ្គង់ក្នុងស្រុក និងនាំចេញទៅក្រៅប្រទេសកាន់តែកើនឡើង។
សមាគមនៃរោងចក្រផលិតរថយន្ត និង ពាណិជ្ជករ (SMMT) បានឲ្យដឹងទៀតថា
ប្រទេសអង់គ្លេសបានផលិតរថយន្តរហូតដល់ទៅ ១៤២,១៥៨គ្រឿងនៅក្នុងមីនានេះ ហើយនៅក្នុងឆ្នាំ ២០១៤
នេះអត្រាការផលិតប្រចាំឆ្នាំនឹងកើនឡើងរហូតដល់ ២,៩%។ការផលិតរថយន្តបានធ្លាក់ចុះនៅក្នុងខែមករា
និងខែកុម្ភៈ ឆ្នាំ ២០១៤ ដោយគ្នានតម្រូវការប្រើប្រាស់ និងវិបត្តិផ្សេង។
សមាគមនៃរោងចក្រផលិតរថយន្ត និង ពាណិជ្ជករ (SMMT) បានរំពឹងថា
ការផលិតរថយន្តរបស់ប្រទេសអង់គ្លេសនឹងកើនឡើងដល់កម្រិតមួយកាន់តែល្អប្រសើរនៅត្រឹមឆ្នាំ
២០១៧។
ឌូប៉ៃ (Dubai)
គឺជាទីក្រុងដ៏ស្រស់ស្អាតមួយដែលមានទីតាំងស្ថិតនៅភាគអាគ្នេយ៍នៃឈូងសមុទ្រ Persia ទិសឦសានសហភាពអារ៉ាប់រួមដែលមានកំនើនប្រជាជនរស់នៅតំបន់នេះប្រមាណជាង ២,១០៦,១៧៧ នាក់ក្នុងផ្ទៃដី ៤,១១៤ គីឡូម៉ែត្រការ៉េ
ហើយវាក៏ជាទីក្រុងធំជាងគេទីពីរបន្ទាប់ពីទីក្រុង Abu Dhabi របស់ប្រទេសអារ៉ាប់រួម។
ទីក្រុង Dubai បានក្លាយជាតំបន់ទេសចរណ៍ដ៏ទាក់ទាញបំផុតលើសកលលោក
ពីព្រោះដោយសារតែទីក្រុងនេះសំបូរទៅដោយ អគារខ្ពស់ៗ
ដែលបានកសាងឡើងនៅលើផ្ទៃទឹកសមុទ្រពណ៌ខៀវស្រងាត់
ព័ទ្ធជុំវិញដោយឆ្នេរខ្សាច់ពណ៌មាស អមជាមួយសណ្ឋាគារ ដ៏ស្រស់ស្អាត
និងផាសុខភាពឈរជាជួរសំរាប់ទុកឱ្យភ្ញៀវ ទេសចរណ៍ចូលមកសំរាកលំហែកាយនៅថ្ងៃចុងសប្តាហ៍ ឫ
រដូវ កាលវិស្សមកាលផ្សេងៗ។
ភ្ញៀវទេសចរណ៍ចូលចិត្តមកកំសាន្តនៅទីក្រុង Dubai អាចរីករាយកំសាន្តជាមួយនឹងការដើរលំហែកាយលើឆេ្នរ ដេកហាលថ្ងៃ ជិះឆ័ត្រយោង
ហែលទឹក ជិះទូក ក្តាស្គី មើលថ្ងៃលិច ដើរទស្សនាទិដ្ឋភាពជុំវិញទីក្រុង
និងដើរទិញឥវ៉ាន់តាមផ្សារទំនើបផ្សេងៗជាច្រើនទៀត។
សព្វថ្ងៃនេះទីក្រុងឌូប៉ៃបានក្លាយជាតំបន់សេដ្ឋកិច្ចពាណិជ្ជកម្មដ៏សំខាន់បំផុតមួយ
បន្ទាប់ ពីឧស្សាហកម្មប្រេងកាតរបស់ប្រទេសមួយនេះ៕
រូបភាព៖
សូមទស្សនាវីដេអូជិះឆ័ត្រយោងកម្សាន្ត៖